وماعاد لابليس شغل

ابليــــس يصـــف الوضـــع والحالـــة في البلاد

كان في غرفته , يلملم ملابسه في حقيبة إلى جانب باقي متعلّقاته , على المنضدة القريبة كانت استقالته موقّعة ومختومة حسب الأصول , وبجوارها تقبع تيكت إلى جزر القمر
كانت ملامح وجهه في تلك اللحظات تنطق بالحزن, الكآبة , الإحباط , اليأس , وقلّة الحيلة ... مع دهشة مزمنة ارتسمت عليه منذ فترة ليست بالقريبة, واعترافٍ بالعجز والفشل إبليس راحلٌ عن بلادنا إلى غير رجعة... فليفرح المؤمنون ....
وين يامسهّل؟ ليش عم بتضبّ غراضك
يازلمة ماضلّلي قعدة عندكون, إلي سنين عاطل عن العمل وقرّبت موت من الجوع .. ما بلاقي معك سيجارة يا أخي ؟

ما رح أترك فيكم لاوسواس ولا خنّاس! كنت زمان بوسوس للوحدة تترك ابنها يبكي وهي عم تحكي مع جاراتها, هلأ صاروا لحالهم يرموا اولادهم بالحاوية أوّل مايجوا

كنت وسوس للواحد ينسى يسمّي الله قبل ما ياكل, هلأ بطّل حدا يلاقي شي ياكلو! يا زلمة إذا أنا إبليس تسمّمت بالشاورما

كنت كمان بوسوس للشب يرميلو كلمة عالبنت وهي ماشية بالشارع, صاروا البنات يرمو عالشباب كلام أنا نفسي بستحي أحكيه

واحد بيسرق 100 مليون عينك عينك بيحبسوه 3 سنين بفيلاّ عالشط , وتنين عم بينبشوا بمكبّ الزبالة بتئوصهن الشرطة , إنتو بدّكون إبليس إنتوا ؟

صار عندكم فائض بالفساد بكفّي 30 سنة لقدّام, صرت خاف على حالي منكم يا زلمة

صرت اتجبر مرّات وسوس بالمقلوب وقول للمسؤول إرحم وللحرامي بيكفّي خلّي شويّ للحراميّة اللي رح ييجوا بعدك

يعني إذا إنتو لحالكون ما شاء الله بتعملوا كل هالبلاوي, أنا إبليس شو أعمل ؟ أشتغل شوفير تمرحباي يعني ولاّ أفتح صالون حلاقة ؟

ماضلّ غير قدّم للأوقاف يعيّنوني واعظ أو إمام جامع

بارك الله فيك..

حقائق ووقائع حقيقيه ميه بالميه عايشينها وشايفينها..

ومواضيعك دائما ميمزه وتجبر قارئها ان يقرئها للنهايه

بس انا اللي مستغرب له انو ابليس ولاول مره يقول الحقيقه ويرشدنا عليها..فهل هو ابليس المتحدث ياترى!!!!

ام انا مازلت نائم احــلم

لاء اخي ابو فيصل مانك عمتحلم هيدي الحقيقة صدقني لانه بولدنة الحرام في اناس يعلمون ابليس الدروس
والله يبعدنا عنهم

اللهم ااامين .. وجزاك الله خير مره اخرى

هذا ما وعدناكم للدخول على موقع البذالي الرسمي الجديد اضغط ..هنا.. هذا الرابط

وماعاد لابليس شغل